სურათის დაფარვა

კარგია იცოდეთ

დაფარული ადგილები გაუმჭვირვალეა და პირდაპირ სურათში იხატება. შენახულ ასლში მათ ქვეშ აღარაფერია, ამიტომ ვერავინ ახდის. ხელსაწყო განზრახ არ იყენებს დაბინდვას: დაბინდული ტექსტისა და სახის აღდგენა ზოგჯერ ხერხდება.

შენახული ასლი ახალი სურათია, ამიტომ ორიგინალის ფარული მონაცემები (ადგილმდებარეობა, თარიღი, მოწყობილობა) მასში არ არის. ჩამოჭრილი ნაწილიც ასლში საერთოდ არ ხვდება.

სურათი მხოლოდ თქვენს ბრაუზერში იხსნება. ის არსად იგზავნება და ეს საიტი მას ვერ ხედავს.

გაზიარებამდე შედეგს კარგად დააკვირდით. დაფარეთ ანარეკლები, ბეიჯები, ტატუები, ქუჩის აბრები და ეკრანებიც. და გახსოვდეთ: ორიგინალი ისევ თქვენს მოწყობილობაზეა.

რამდენიმე სიტყვა AI-ზე

დღეს სახის დამალვა ან სახელის წაშლა AI რედაქტორებსაც შეუძლიათ, ხშირად შავ ოთხკუთხედზე ბევრად ლამაზადაც. ოღონდ ერთი პრობლემაა: სურათი რომ შეცვალოს, სერვისმა ჯერ ორიგინალი უნდა მიიღოს, ანუ ზუსტად ის, რის დამალვაც გინდოდათ.

AI სერვისების უმეტესობა ატვირთულ ფაილებს გარკვეული ხნით ინახავს. ზოგან, თქვენი პარამეტრებისა და ტარიფის მიხედვით, მათ თანამშრომლებიც ნახულობენ ან მომავალი მოდელების გასაწვრთნელად იყენებენ. თუ სურათს სწორედ იმიტომ ფარავთ, რომ სხვამ არ უნდა ნახოს, ასე დაფარვას აზრი ეკარგება. გარდა ამისა, AI „წაშლილ“ ადგილს გამოგონილი დეტალებით ავსებს და ვინმეს შეიძლება ეს ნამდვილი ეგონოს. თქვენს მოწყობილობაზე დახატული შავი ფიგურა ისეთი ლამაზი არ არის, სამაგიეროდ სურათი არსად იგზავნება და ვერავინ იფიქრებს, რომ ორიგინალია.